சென்னை: தொகுதி மறுவரையறை (Constituency Delimitation) விவகாரம் தொடர்பாக முதலமைச்சர் விஜய் கூட்டியுள்ள அனைத்துக்கட்சி எம்.பி.க்கள் கூட்டத்தில் தி.மு.க. பங்கேற்குமா என்பது குறித்து தமிழக சட்டசபையில் காரசார விவாதம் நடைபெற்றது.
தி.மு.க. உறுப்பினர் ரகுபதி: மத்திய அரசின் 'விபி ஜி ராம் ஜி' (VP G Ram G) திட்டத்தை ஏற்க மறுத்து, மகாத்மா காந்தி தேசிய ஊரக வேலைவாய்ப்பு திட்டத்தையே வலியுறுத்தியதாகக் குறிப்பிட்ட அவர், தற்போதைய அரசு மத்திய அரசிடம் சரண்டராகிவிட்டது என்று குற்றம்சாட்டினார்.
அமைச்சர் ஆதவ் அர்ஜுனா: இதற்குப் பதிலளித்த அமைச்சர் ஆதவ் அர்ஜுனா, "தென்மாநிலங்களின் முக்கியப் பிரச்சனையான தொகுதி மறுவரையறை குறித்து முதலமைச்சர் விஜய் அனைத்துக்கட்சி எம்.பி.க்கள் கூட்டத்தைக் கூட்டியுள்ளார். இந்த கூட்டத்தில் தி.மு.க. எம்.பி.க்கள் கலந்து கொள்வார்களா?" என்று கேள்வி எழுப்பினார்.
எதிர்க்கட்சித் தலைவர் உதயநிதி ஸ்டாலின்: இதற்குப் பதிலளித்துப் பேசிய உதயநிதி ஸ்டாலின், "தொகுதி மறுவரையறை பிரச்சனை குறித்து இந்தியாவிலேயே முதன்முதலில் குரல் கொடுத்தது தி.மு.க. தான். சென்ற ஆண்டில் தென்மாநில முதலமைச்சர்களை சென்னையில் கூட்டி மிகப்பெரிய ஆலோசனைக் கூட்டத்தை நடத்தி இதற்கு எதிர்ப்பு தெரிவித்தோம். தற்போதைய எம்.பி.க்கள் கூட்டத்தில் பங்கேற்பது குறித்து தி.மு.க. தலைவர் ஆலோசித்து சரியான முடிவை எடுப்பார்" என்று தெரிவித்தார்.
